Ongi etorri 2023-2024 ikasturtera!
Dena prest dago irailaren 8an ikasturte berriari hasiera emateko. Haurtzaindegian, bestalde, dagoeneko ireki dituzte ateak.
Maitasunagatik bizi
Aurtengo lema Maitasunagatik bizi. Maitasun handiarekin prestatu dugu 2023-2024 ikasturtea eta egiteko modu horretan jarri nahi dugu fokua. Hitzekin baino gehiago, ekintzekin erakutsi nahi dugu maitasuna.
Kanpo espazioak berritu ditugu
Urteroko lez, uda sasoia aprobetxatu dugu gure ikastetxean obrak egiteko. Aurtengoan kanpo espazioetan, jolaslekuetan jarri dugu fokua.
Gaur egungo beharretara egokitu ditugu Haur Hezkuntzako jolaslekua eta Batxilergoko eraikinaren arkupea. Gainera, zelai berdeko lurra ere berriztu dugu eta komunetan egokitzapenak egin.
