Lehen Hezkuntza
![Proiektu pedagogikoa](https://www.durangojesuitak.org/wp-content/uploads/2022/11/primaria-jesuitak-durango-1024x429.jpg)
Lehen Hezkuntza: ikaslea ikaskuntza-prozesuaren protagonista
Lehen Hezkuntzako etapak jarraipena ematen dio Haur Hezkuntzan hasitako hezkuntza-proiektuari, pertsona bakoitzari arreta pertsonalizatua, jarraitua eta zuzena emanez.
Lehen Hezkuntzako proiektu pedagogikoa
Gure helburua da pertsonaren garapen integrala bultzatu eta indartuko duen hezkuntza eskaintzea, neska-mutilek gaurko gizartean beharrezkoak diren gaitasunak garatu ahal izan ditzaten.
Espazio zabal eta berrituak
Espazio zabal eta argitsuak dauzkagu; hormak bota, eta kristala jarri dugu, elkarlana eta interakzioa sustatzeko. Bestalde, taldeka lan egiteko eremuak ditugu, proiektuka lan egiteko guneak.
![Proiektu pedagogikoa](https://www.durangojesuitak.org/wp-content/uploads/2022/11/jesuitakk-37-1024x683.jpg)
Eredu hirueleduna
Eredu hirueledunean hezten dugu, euskaraz, gaztelaniaz eta ingelesez. Ingeleserako komunikazio-gaitasuna lantzen dugunez, gure indargunea da.
![Proiektu pedagogikoa](https://www.durangojesuitak.org/wp-content/uploads/2022/11/mondragon-lingua-paraescolares-primaria-jesuitak-durangojpg-1024x683.jpg)
Errefortzu-sarea
Gure ikastetxearen balio erantsi bat errefortzu-sarea da. Irakasle ugariz osatutako talde bat da, eta ikasgela guztietan esku hartzen dute, ikasleekin zuzenean eta eraginkortasunez lan egiteko. Era horretara, beharrak ase ditzakegu, eta arreta pertsonalizatuagoa eskaini.
![Proiektu pedagogikoa](https://www.durangojesuitak.org/wp-content/uploads/2022/11/profesorado-jesuitak-durango.jpg)
Teknologia
Teknologikoki konpetenteak izan daitezen, ikasle guztiek ordenagailuekin lan egiteko aukera dute lehenengo mailatik aurrera. Bosgarren mailara iristean, 1×1 proiektuaren baitan, ikasle bakoitzak bere ordenagailua du, eta horrek dakartzan onurak aprobetxatzen ditugu.
![Proiektu pedagogikoa](https://www.durangojesuitak.org/wp-content/uploads/2022/11/estilo-docente-primaria-jesuitak-durango-20-1024x683.jpg)
Autoezagutza
Ikasleek garrantzi handia dute, baita haien zaintza eta autoezagutza ere. Egunero une bereziak eskaintzen ditugu hausnartzeko, barrua ezagutzeko, emozioak kudeatzeko, eskerrak emateko.
![Proiektu pedagogikoa](https://www.durangojesuitak.org/wp-content/uploads/2022/11/estilo-docente-primaria-jesuitak-durango-14-1024x683.jpg)
Familiak
Familiek beti izaten dute parte hartzeko espazioa. Ateak irekita ditugu familien ekarpenak jasotzeko eta gure ikaskuntza-prozesuan txertatzeko.
Ikastetxean argi dugu familiak hezkuntza-prozesuaren parte direla eta pertsona guztien arteko lankidetza beharrezkoa dela ikasleak protagonista izateko.
![Proiektu pedagogikoa](https://www.durangojesuitak.org/wp-content/uploads/2022/11/conciliacion-familiar-jesuitak-durango-5-1024x683.jpg)