Gurean, urratsez urrats, irakurketa plana eraikitzen

Ikastetxeko Irakurketa Plana ikasleen hizkuntza-gaitasuna hobetzeko da, batez ere, irakurketa tresna bihurtuz.

Ikasleen irakurtzeko gaitasuna garatzeko ezinbestekoa da denak elkarrekin koordinatuta eta programatuta lan egitea.  Hori dela-eta, ikastetxeko Zentroko Irakurketa Planaren zeregina zera da, eskolak irakurketari ematen dion tratua antolatu eta artikulatzea, helburu argi eta zehatzetan oinarrituta.  Honakoa lortu nahi da:

  • Ikasleak testuak ulertzeko eta irakurritakotik informazioa ateratzeko gai izatea.
  • Literatur-testuek ematen duten gozamena ulertu, interpretatu eta gozatzeko gai izatea, irakurtzea disfrutatzeko eta denbora gustura pasatzeko beste aukera bat bihurtuz.  
  • Ikasleek, irakurtzeko gaitasuna hobetuta, ahozko eta idatzizko komunikazio-gaitasuna ere indartzea.

Irakurketa Planak orientabide, gomendio eta material ugari biltzen ditu, eta horretan dihardugu ikasturte hasieratik ikastetxeko IRAKURKETA PLANA eguneratuta izateko.


Irakurketaren gainean egiten den plana, hiru multzotan dago banatuta:

  • Irakurtzen ikasi: Irakurtzeko gaitasuna lantzea da, irakurketaren trebezia funtzional oinarrizkoak eskuratzea. Alfabetizazioarekin eta irakurketa eraginkor errazarekin lotuta dago.
  • Ikasteko irakurri: Irakurketa jakintza eta ikaskuntza lantzeko ezinbesteko jotzen du multzo horrek, nola eskolan hala eskolatik kanpo. Ikasleei irakurle on izaten lagundu nahi die batez ere, informazioa eta aurkikuntza eskurago izateko, eta jakinduria  gehiago hartzeko.
  • Irakurzaletasuna: Irakurtzeko ohitura hartzearen helburua zera da, ikasleei beren kasa edonolako testuak irakurtzeko ohitura hartzen laguntzea. Irakurtzeko ohitura kuriositatea pizteko bidea ere badenez, irakurtzeko zaletasuna hartzeko ez ezik, irakurketaren bidez jasotzen den jakintzaz gozatzeko ere balio du.

Elkarri josita daudenez hiru multzoak, bat hobetzen bada gainerakoak ere hobetu egiten dira: irakurtzeko ohitura hartuz gero, jakiteko, ikasteko eta ikasitakoa banatzeko irakurketa gehiago egiten da, eta erakusteko irakurketa zenbat eta gehiago eta hobeto erabili, gehiago eta hobeto garatuko da irakurtzeko ohitura. 

 

Liburuaren Eguna

Ezaguna denez, urtero, apirilaren 23an Liburuaren Eguna ospatzen dugu, eta lerro hauek aprobetxatu nahi izan ditugu urtean zehar egindako ibilbidea labur-labur zuei azaltzeko, eta elkarlan honetan parte hartzen gonbidatzeko.

Arlo teorikoa lantzeaz gain, gure helburua adin tarte bakoitzerako egokia izan daitezkeen liburuen bildumatxo bat proposatzea litzateke (adin, gaiak etab… zehaztuz) ikasleekin batera etxeetan irakurketa sustatzeko:

Adina

Izenburua

Jorratzen duen gaia

6

Aintzane Usandizaga

Etxe honetan

Pamiela

 

Arnal, Txabi

Kar Kardantxilo

Giltza, 2018 (Tren urdina)

ISBN 978-84-8378-485-3 (Askatasuna)

ELKARBIZITZA

8

Unai Elorriaga

Erraldoiek ez dute lagunik jaten

Begiko

 

Antxine Mendizabal

Printzesa eta ergela

Elkar

ELKARBIZITZA

10

Esti Vivanco

Egun gorriak

Begiko (Sexismo eta berdintasuna)

 

Imanol Azkue Ibarbia

Kea airean bezala

Elkar

ELKARBIZITZA

6

Begoña Oro

Janari-biltegi magikoa

SM ikasmina

 

LAGUNAK

8

Ana Jaka

Gerra zikinkeriari!

Elkar

 

Paddy Rekalde

Lapatza

Elkar

LAGUNAK

10

Juan Martin Elexpuru Arregi

Harpajolea

Ibaizabal (Abentura)

 

Mariasun Landa Etxebeste

Galtzerdi suizida

Elkarlanean

LAGUNAK

6

Dani Martirena

Cosimoren katiuskak

Pamiela

 

Begoña Oro

Rasiren aurkikuntza

SM

INGURUGIROA

8

Batzuren artean

Lur eta Amets. Euskal Herriaren historia

Elkar 2015

 

Katixa Agirre

Amaia Lapitz eta Didoren ermandade sekretua

Elkar, 2013

INGURUGIROA

10

Alaine Agirre

Hau ez da zoo bat!

Elkar (Animaliekiko zaletasuna).

 

Jon Eugi

Animaliakeriak

Erein (Animaliekiko zaletasuna).

INGURUGIROA

Iturria Galtzagorri Elkartea

Informazio gehiago:
IRAKURGUNEA, Euskadiko Irakurketa Plana jasotzen duen web orria



Kategoria: Ikaste-irakaste

Etiketak: , ,

Gure newsletter-era harpidetu nahi duzu?


egitasmo estrategikoa


Lotura duten berriak


×