Ukrainaren aldeko kanpaina

Jesusen Lagundiaren nazioarteko lankidetzaren alorretik, larrialdiko kanpaina ireki berri dugu Errefuxiatuentzako Jesuiten Zerbitzuaren eta Ukrainako eta mugako herrialdeetako misioari lotutako jesuiten erakundeen lana babestu ahal izateko. Informazioa hemen aurki dezakezue: http://www.emergenciaucraniajesuitas.org


Dakizuenez, Ukrainako egoeran tentsioa eta larritasuna areagotzen ari da egunez egun. Kezkaz jarraitu dugu krisi honen bilakaera eta, Frantzisko Aita Santuak adierazten duen bezala, armak isiltzea eta indarkeriaren zentzugabekeria gelditzea eskatzen dugu. Ukrainarren mina barnean sartzen zaigu, eta martxan jartzen gaitu azkar jarduteko eta une kritiko hauetan lagundu ahal izateko. Aita Santuaren asmoarekin bat egiten dugu, otoitz eta baraua eskatzen baitigu ukrainar herriaren sufrimendutik hurbil egoteko, guztiok anai-arrebak garela sentitzeko eta Jainkoari gerraren amaiera eskatzeko. Milioi bat pertsona inguruk dena utzi eta inguruko herrialdeetara ihes egin behar izan dute.


Alboan eta Entreculturas elkarteek elkarrekin egindako kanpaina da, Xavier sarearen esparruan, pertsona ahulenei, berriz ere gerrari eta indarkeriari aurre egin behar dieten gizonei eta emakumeei laguntzeko, beren bizitzetarako bake- eta elkarrizketa-nahiaren aurrean. Bildutako diruarekin JRS Europaren lana babestuko da, Polonian, Errumanian eta Hungarian gatazka honen biktimei harrera eta arreta emateko programekin, lehen lerroan, eta Bosnia-Herzegovinan, Kroazian, Kosovon, Mazedonian eta Serbian, bigarren lerroan.


Laguntzeko moduak http://www.emergenciaucraniajesuitas.org/ orrian daude.


Eskerrik asko egoera kritiko honetan eman dezakegun laguntzagatik.

Elkartuta jarraitzen dugu eta bakearen alde otoitz egiten

Kategoria: Gizarte eragina, Inaziotar Izaera

Gure newsletter-era harpidetu nahi duzu?


egitasmo estrategikoa


Lotura duten berriak


×